|
ਧੰਨ ਗੁਰੂ ਗੋਬਿੰਦ, ਧੰਨ ਪੰਜ ਪਿਆਰੇ
Date: Aug 21, 2010
ਸਿੱਖ ਧਰਮ ਦੇ ਇਤਿਹਾਸ ਵਿੱਚ ਪੰਜਾਂ ਪਿਆਰਿਆਂ ਦੀ ਭੂਮਿਕਾ ਬਹੁਤ ਹੀ ਪ੍ਰਮੁੱਖ ਹੈ, ਕਿਉਂਕਿ ਸਾਹਿਬ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਇਹਨਾਂ ਪੰਜਾ ਨੂੰ "ਪਿਆਰਿਆਂ" ਦਾ ਮਾਣ ਤਾਂ ਦਿੱਤਾ ਹੀ ਹੈ ਨਾਲ ਹੀ ਇਹਨਾਂ ਨੂੰ ਅੰਮ੍ਰਿਤ ਦੀ ਪਹੁਲ ਵੀ ਸਭ ਤੋਂ ਪਹਿਲਾਂ ਦਿੱਤੀ ਅਤੇ ਗੁਰੂ ਸਾਹਿਬ ਜੀ ਨੇ ਖਾਲਸਾ ਹੋਣ ਦਾ ਮਾਣ ਬਖਸ਼ਿਆ ਅਤੇ ਕਿਹਾ ਇਹਨਾਂ ਦਾ ਹੁਕਮ ਮੈਨੂੰ ਸਦਾ ਪਰਵਾਨ ਹੋਵੇਗਾ।
ਇਹ ਪੰਜ ਪਿਆਰੇ ਸਨ ਭਾਈ ਸਾਹਿਬ ਭਾਈ ਦਇਆ ਸਿੰਘ ਜੀ, ਭਾਈ ਸਾਹਿਬ ਭਾਈ ਧਰਮ ਸਿੰਘ ਜੀ, ਭਾਈ ਸਾਹਿਬ ਹਿੰਮਤ ਸਿੰਘ ਜੀ, ਭਾਈ ਸਾਹਿਬ ਭਾਈ ਮੋਹਕਮ ਸਿੰਘ ਜੀ ਅਤੇ ਭਾਈ ਸਾਹਿਬ ਭਾਈ ਸਾਹਿਬ ਸਿੰਘ ਜੀ।
ਜੇ ਇਹਨਾਂ ਪੰਜਾ ਪਿਆਰਿਆਂ ਦੇ ਨਾਮ ਤੇ ਹੀ ਕੇਵਲ ਗੌਰ ਕੀਤਾ ਜਾਵੇ ਤਾਂ ਸਾਨੂੰ ਇਹਨਾਂ ਦੇ ਨਾਮ ਤੋਂ ਹੀ ਬਹੁਤ ਵੱਡੀ ਸਿੱਖਿਆ ਮਿਲਦੀ ਹੈ।
ਸਾਹਿਬ ਸ਼੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਖਾਲਸਾ ਪੰਥ ਦੇ ਨਿਰਮਾਣ ਸਮੇਂ ਇਹਨਾਂ ਦੀ ਚੋਣ ਕੀਤੀ ਸੀ, ਤਾਂ ਸ਼ੁਰੂਆਤ ਹੋਈ ਭਾਈ ਦਇਆ ਸਿੰਘ ਜੀ ਤੋਂ ਦਇਆ ਧਰਮ ਦੀ ਮਾਂ ਹੁੰਦੀ ਹੈ ਜਿਸ ਵਿਅਕਤੀ ਦੇ ਅੰਦਰ ਦਇਆ ਨਹੀ ਹੁੰਦੀ ਉਸ ਦੇ ਅੰਦਰ ਧਰਮ ਕਦੀ ਨਹੀਂ ਆ ਸਕਦਾ।
ਦੂਜੇ ਨੰਬਰ ਤੇ ਆਏ ਧਰਮ ਸਿੰਘ ਜੀ ਜਦ ਇਨਸਾਨ ਦੇ ਅੰਦਰ ਦਇਆ ਹੁੰਦੀ ਹੈ ਤਾਂ ਉੱਥੇ ਧਰਮ ਆਪਣੇ ਆਪ ਹੀ ਆ ਜਾਂਦਾ ਹੈ। ਤੀਜੇ ਨੰਬਰ ਤੇ ਆਏ ਭਾਈ ਹਿੰਮਤ ਸਿੰਘ ਜੀ ਧਰਮ ਨੂੰ ਉਹ ਹੀ ਮੰਨ ਸਕਦਾ ਹੈ ਜਿਸ ਵਿੱਚ ਹਿੰਮਤ ਹੋਵੇ। ਸੱਚ ਬੋਲਣ ਦੇ ਲਈ ਧਰਮ ਦੇ ਅਨੁਸਾਰ ਜੀਵਨ ਜਿਉਣ ਦੇ ਲਈ ਹਿੰਮਤ ਦੀ ਚੌਥਾ ਨੰਬਰ ਸੀ ਭਾਈ ਮੋਹਕਮ ਸਿੰਘ ਜੀ ਦਾ ਧਰਮ ਤੇ ਚੱਲਣ ਲਈ ਵਿਅਕਤੀ ਨੂੰ ਆਪਣਾ ਮੋਹ ਘੱਟ ਕਰਨਾ ਪੈਂਦਾ ਤਾਂ ਹੀ ਤੇ ਅਰਦਾਸ ਕੀਤੀ ਜਾਂਦੀ ਹੈ ਕਾਮ, ਕ੍ਰੋਧ, ਲੋਭ, ਮੋਹ, ਹੰਕਾਰ ਤੋਂ ਬਚਾਉ। ਧਰਮ ਤੇ ਚਲਣ ਲਈ ਮੋਹ ਨੂੰ ਘੱਟ ਕਰਨਾ ਜਰੂਰੀ ਸੀ ਇਸ ਲਈ ਮੋਹਕਮ ਹੋਣ ਦਾ ਗੁਣ ਵੀ ਪੰਥ ਵਿੱਚ ਆਇਆ।
ਇਸ ਦੇ ਬਾਅਦ ਪੰਜਵੇਂ ਨੰਬਰ ਤੇ ਭਾਈ ਸਾਹਿਬ ਸਿੰਘ ਜੀ। ਦਇਆ, ਧਰਮ, ਹਿੰਮਤ, ਮੋਹਕਮ ਇਹ ਸਾਰੇ ਗੁਣਾਂ ਨੂੰ ਮਿਲਾ ਕੇ ਸਾਹਿਬ ਤਿਆਰ ਹੋ ਗਏ ਇਸ ਤਰ੍ਹਾਂ ਮਹਿਸੂਸ ਹੁੰਦਾ ਹੈ ਕਿ ਪੰਜਾ ਪਿਆਰਿਆਂ ਦਾ ਨਾਮ ਹੀ ਸਾਡੇ ਲਈ ਇੱਕ ਬਹੁਤ ਵੱਡੀ ਸਿੱਖਿਆ ਹੈ।
|
Total Views: 18066 |
