ਸਤਨ ਕੈਂਸਰ ਤੋਂ ਬਚਣ ਲਈ ਕਸਰਤ ਕਰੋ

Date: Jan 09, 2010

ਔਰਤਾਂ ਵਿੱਚ ਸਤਨ ਕੈਂਸਰ ਦਾ ਖਤਰਾ ਵੱਧਦਾ ਜਾ ਰਿਹਾ ਹੈ, ਇਸ ਨੂੰ ਦੂਰ ਕਰਨ ਲਈ ਸ਼ੋਧਕਰਤਾਵਾਂ ਨੇ ਸੁਝਾਅ ਦਿੱਤਾ ਹੈ ਕਿ ਕਸਰਤ ਕਰੋ ਤਾਂ ਕਿ ਇਸ ਬਿਮਾਰੀ ਤੋਂ ਬਚਿਆ ਜਾ ਸਕੇ। ਸ਼ੋਧਕਰਤਾਵਾਂ ਦੇ ਮੁਤਾਬਿਕ ਔਰਤਾਂ ਆਪਣੇ ਆਪ ਨੂੰ ਸਧਾਰਨ ਜਾਂ ਜ਼ੋਰਦਾਰ ਕਸਰਤ ਵਿੱਚ ਬਿਜ਼ੀ ਰੱਖ ਕੇ ਸਤਨ ਕੈਂਸਰ ਦੇ ਖਤਰੇ ਨੂੰ ਘੱਟ ਕਰ ਸਕਦੀਆਂ ਹਨ

ਇੱਕ ਨਵੇਂ ਅਧਿਐਨ ਵਿੱਚ ਇਸਦਾ ਖੁਲਾਸਾ ਕੀਤਾ ਗਿਆ ਹੈ। ਅਧਿਐਨਕਰਤਾ ਅਤੇ ਯੂਐਸ ਨੈਸ਼ਨਲ ਕੈਂਸਰ ਇੰਸਟੀਟਿਊਟ (ਯੂਐਸਐਨਸੀਆਈ), ਮੈਰੀਲੈਂਡ ਦੇ ਟ੍ਰਿਸੀਆ ਐਮ. ਪੀਟਰਸ ਦੇ ਮੁਤਾਬਿਕ ਜ਼ੋਰਦਾਰ ਕਸਰਤ ਨਾਲ ਕੁਝ ਸਮੇਂ ਲਈ ਕੈਂਸਰ ਦੇ ਖਤਰੇ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਇਸ ਗੱਲ ਨੂੰ ਸਹੀ ਸਿੱਧ ਕਰਨ ਲਈ ਸ਼ੋਧਕਰਤਾਵਾਂ ਨੇ ਅਧਿਐਨ ਲਈ ਕਰੀਬ 110000 ਔਰਤਾਂ ਤੋਂ ਉਹਨਾਂ ਦੇ ਜੀਵਨ ਦੀਆਂ ਵੱਖ-ਵੱਖ ਅਵਸਥਾਵਾਂ 15-18 ਸਾਲ, 19-29 ਸਾਲ, 35-39 ਸਾਲ ਦੀ ਉਮਰ ਅਤੇ ਅੰਤਿਮ ਦਸ ਸਾਲਾਂ ਦੇ ਦੌਰਾਨ ਹੋ ਰਹੀਆਂ ਸਰੀਰਿਕ ਕਿਰਿਆਵਾਂ ਦੇ ਸਬੰਧ ਵਿੱਚ ਪੁੱਛਿਆ ਗਿਆ ਸੀ। 6.6 ਸਾਲਾਂ ਦੀ ਸਮੀਖਿਆ ਵਿੱਚ ਪਾਇਆ ਗਿਆ ਕਿ ਜੋ ਔਰਤਾਂ ਆਪਣੇ ਅੰਤਿਮ 10 ਸਾਲਾਂ ਵਿੱਚ ਰੋਜਾਨਾ ਇੱਕ ਘੰਟੇ ਦੀ ਮੱਧਮ ਤੋਂ ਲੈ ਕੇ ਜ਼ੋਰਦਾਰ ਕਸਰਤ ਕਰਦੀਆਂ ਰਹੀਆਂ ਹਨ, ਉਹਨਾਂ ਵਿੱਚ ਕੈਂਸਰ ਦੀ ਸੰਭਾਵਨਾ ਕਸਰਤ ਨਾ ਕਰਨ ਵਾਲੀਆਂ ਔਰਤਾਂ ਦੀ ਬਜਾਏ 16 ਪ੍ਰਤੀਸ਼ਤ ਘੱਟ ਸੀ।