|
ਗੋਧਰਾਕਾਂਡ : ਦੰਗਿਆਂ ਦੌਰਾਨ ਕਾਰਵਾਈ ਨਾ ਕਰਨ 'ਤੇ ਮੋਦੀ ਸਰਕਾਰ ਨੂੰ ਫਟਕਾਰ
Date: Feb 09, 2012
ਅਹਿਮਦਾਬਾਦ : ਗੁਜਰਾਤ ਹਾਈਕੋਰਟ ਨੇ ਸਾਲ 2002 'ਚ ਗੋਧਰਾ ਕਾਂਡ ਦੇ ਬਾਅਦ ਭੜਕੇ ਦੰਗਿਆਂ ਦੌਰਾਨ ਕਾਰਵਾਈ ਨਾ ਕਰਨ ੱਅਤੇ ਲਾਪਰਵਾਹੀ ਵਰਤਣ ਦੇ ਮਾਮਲੇ 'ਚ ਅੱਜ ਸੂਬੇ ਦੀ ਨਰਿੰਦਰ ਮੌਦੀ ਸਰਕਾਰ ਨੂੰ ਫਟਕਰਾ ਲਗਾਈ।
ਦੰਗਿਆ ਦੌਰਾਨ ਵੱਡੇ ਪੱਧਰ 'ਤੇ ਧਾਰਮਿਕ ਸਥਾਨਾ ਨੂੰ ਨੁਕਸਾਨ ਪਹੁੰਚਾਇਆ ਗਿਆ ਸੀ। ਕਾਰਜਕਾਰੀ ਮੁੱਖ ਜੱਜ ਭਾਸਕਰ ਭੱਟਾਚਾਰੀਆ ਅਤੇ ਜੱਜ ਜ.ਬੀ. ਪਾਰਦੀਵਾਲਾ ਦੀ ਬੈਂਚ ਨੇ ਪ੍ਰਦੇਸ਼ 'ਚ 500 ਤੋਂ ਵੱਧ ਧਾਰਮਿਕ ਸਥਾਨਾ ਦੇ ਲਈ ਮੁਆਵਜਾ ਦੇਣ ਦਾ ਵੀ ਆਦੇਸ਼ ਦਿੱਤਾ।
ਅਦਾਲਤ ਨੇ ਇਸਲਾਮਿਕ ਰਿਲੀਫ ਕਮੇਟੀ ਆਫ ਗੁਜਰਾਤ (ਆਈ.ਆਰ.ਸੀ.ਜੀ.) ਦੀ ਪਟੀਸ਼ਨ 'ਤੇ ਸੁਣਵਾਈ ਕਰਦਿਆਂ ਕਿਹਾ ਕਿ ਦੰਗਿਆਂ ਨੂੰ ਰੋਕਣ ਲਈ ਸੂਬਾ ਸਰਕਾਰ ਵਲੋਂ ਘਾਟ, ਕਾਰਵਾਈ ਨਾ ਹੋਣ ਤੇ ਲਾਪਰਵਾਹੀ ਦੇ ਨਤੀਜੇ ਵਜੋਂ ਹੀ ਪ੍ਰਦੇਸ਼ 'ਚ ਵੱਡੇ ਪੱਧਰ 'ਤੇ ਧਾਰਮਿਕ ਸਥਾਨਾ ਨੂੰ ਨੁਕਸਾਨ ਪਹੁੰਚਿਆ ਗਿਆ। ਅਦਾਲਤ ਨੇ ਕਿਹਾ ਕਿ ਇਨ੍ਹਾਂ ਸਥਾਨਾ ਦੀ ਮੁਰੰਮਤ ਅਤੇ ਮੁਆਵਜੇ ਦੀ ਜਿੰਮੇਦਾਰੀ ਸਰਕਾਰ ਦੀ ਹੈ। ਅਦਾਲਤ ਨੇ ਕਿਹਾ ਜੇਕਰ ਸਰਕਾਰ ਨੇ ਮਕਾਨਾ ਅਤੇ ਵਪਾਰਕ ਸਥਾਨਾ ਨੂੰ ਨੁਕਸਾਨ ਲਈ ਮੁਆਵਜਾ ਦਿੱਤਾ ਹੈ ਤਾਂ ਉਸ ਨੂੰ ਧਾਰਮਿਕ ਸਥਾਨਾ ਨੂੰ ਵੀ ਮੁਆਵਜਾ ਦੇਣਾ ਚਾਹੀਦਾ ਹੈ।
ਅਦਾਲਤ ਨੇ ਇਹ ਆਦੇਸ਼ ਵੀ ਦਿੱਤਾ ਕਿ ਪ੍ਰਦੇਸ਼ ਦੇ 26 ਜ਼ਿਲ੍ਹਿਆਂ ਦੇ ਮੁੱਖ ਜੱਜ ਆਪਣੇ ਸਬੰਧਿਤ ਜ਼ਿਲ੍ਹੇ 'ਚ ਧਾਰਮਿਕ ਸਥਾਨਾ ਲਈ ਮੁਆਵਜੇ ਦੀਆਂ ਅਰਜੀਆਂ ਪ੍ਰਾਪਤ ਕਰਕੇ ਉਨ੍ਹਾਂ 'ਤੇ ਫੈਸਲਾ ਦੇਣ। ਉਨ੍ਹਾਂ ਨੂੰ 6 ਮਹੀਨਿਆਂ ਅੰਦਰ ਆਪਣੇ ਫੈਸਲੇ ਹਾਈਕੋਰਟ ਨੂੰ ਦੱਸਣ ਲਈ ਕਿਹਾ ਗਿਆ ਹੈ।
|
Total Views: 17916 |
