|
ਦਰਾਵਿੜ ਤੇ ਸਹਿਵਾਗ ਦੇ ਨਾਂ ਦੋ ਮਾੜੇ ਰਿਕਾਰਡ
Date: Jan 14, 2012
ਪਰਥ,January - 14 - 2012
ਟੈਸਟ ਕ੍ਰਿਕਟ ’ਚ ਸਭ ਤੋਂ ਵੱਧ ਵਾਰ ਬੋਲਡ ਹੋਣ ਦਾ ਰਿਕਾਰਡ ਹੁਣ ਸਾਂਝੇ ਰੂਪ ’ਚ ਭਾਰਤੀ ਦੀਵਾਰ ਰਾਹੁਲ ਦਰਾਵਿੜ ਦੇ ਨਾਂ ਦਰਜ ਹੋ ਗਿਆ ਹੈ। ਜਦੋਂ ਕਿ ਵਰਿੰਦਰ ਸਹਿਵਾਗ ਭਾਰਤ ਵੱਲੋਂ ਸਭ ਤੋਂ ਜ਼ਿਆਦਾ ਵਾਰ ਜ਼ੀਰੋ ’ਤੇ ਆਊਟ ਹੋਣ ਵਾਲਾ ਸਲਾਮੀ ਬੱਲੇਬਾਜ਼ੀ ਬਣ ਗਿਆ ਹੈ। ਭਾਰਤੀ ਕ੍ਰਿਕਟ ਦੇ ਇਹ ਦੋਵੇਂ ਦਿੱਗਜ਼ ਇਨ੍ਹਾਂ ਰਿਕਾਰਡਾਂ ਨੂੰ ਭਾਵੇਂ ਯਾਦ ਨਾ ਰੱਖਣ ’ਚ ਪਰ ਇਹ ਅੰਕੜਿਆਂ ਦੀ ਹਕੀਕਤ ਹੈ। ਆਸਟਰੇਲੀਆ ਦੇ ਖ਼ਿਲਾਫ਼ ਇੱਥੇ ਖੇਡੇ ਜਾ ਰਹੇ ਤੀਜੇ ਟੈਸਟ ਕ੍ਰਿਕਟ ਮੈਚ ’ਚ ਦਰਾਵਿੜ ਦੀ ਵਿਸ਼ਵ ਪ੍ਰਸਿੱਧ ਰੱਖਿਆਤਮਕ ਤਕਨੀਕ ’ਚ ਮੁੜ ਕਮੀ ਨਿਕਲ ਆਈ ਤੇ ਉਹ ਪੀਟਰ ਸਿਡਲ ਦੀ ਗੇਂਦ ’ਤੇ ਆਊਟ ਹੋ ਗਿਆ। ਇਹ ਟੈਸਟ ਕ੍ਰਿਕਟ ’ਚ 53ਵਾਂ ਮੌਕਾ ਹੈ ਜਦੋਂ ਦਰਾਵਿੜ ਦੇ ਡੰਡੇ ਉੱਡੇ। ਇਸ ਦੇ ਨਾਲ ਹੀ ਉਸ ਨੇ ਆਸਟਰੇਲੀਆ ਦੇ ਸਾਬਕਾ ਕਪਤਾਨ ਐਲਨ ਬਾਰਡਰ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ। ਇਸ ਤੋਂ ਬਾਅਦ ਸਚਿਨ ਤੇਂਦੁਲਰ (48 ਵਾਰ) ਤੇ ਜੈਕ ਕੈਲਿਸ (44 ਵਾਰ) ਆਉਂਦੇ ਹਨ।
ਇਸ ਤੋਂ ਪਹਿਲਾਂ ਸਹਿਵਾਗ ਬਿਨਾਂ ਖਾਤੇ ਖੋਲ੍ਹੇ ਪੈਵੇਲੀਅਨ ਪਰਤ ਗਿਆ। ਉਹ ਸਲਾਮੀ ਬੱਲੇਬਾਜ਼ ਦੇ ਤੌਰ ’ਤੇ 15ਵੀਂ ਵਾਰ ਜ਼ੀਰੋ ’ਤੇ ਆਊਟ ਹੋ ਗਿਆ ਜੋ ਭਾਰਤੀ ਰਿਕਾਰਡ ਹੈ।
|
Total Views: 17854 |
