|
ਉਮਰ ਦੇ ਮੁੱਦੇ ’ਤੇ ਰੱਖਿਆ ਮੰਤਰਾਲੇ ਨਾਲ ਕੋਈ ਮਤਭੇਦ ਨਹੀਂ: ਜਨਰਲ ਵੀ.ਕੇ. ਸਿੰਘ
Date: Jan 12, 2012
ਨਵੀਂ ਦਿੱਲੀ, 10 ਜਨਵਰੀ-(ਪ,ਪ)
ਆਪਣੀ ਉਮਰ ਦੇ ਸੁਆਲ ’ਤੇ ਰੱਖਿਆ ਮੰਤਰਾਲੇ ਨਾਲ ਮਤਭੇਦ ਹੋਣ ਤੋਂ ਇਨਕਾਰ ਕਰਦਿਆਂ ਫੌਜ ਦੇ ਮੁਖੀ ਜਨਰਲ ਵੀ.ਕੇ. ਸਿੰਘ ਨੇ ਅੱਜ ਕਿਹਾ ਕਿ ਇਹ ਉਨ੍ਹਾਂ ਦਾ ਨਿੱਜੀ ਮਾਮਲਾ ਹੈ ਜਿਸ ਨਾਲ ਸੰਸਥਾ ਦਾ ਕੋਈ ਵਜੋ-ਵਾਸਤਾ ਨਹੀਂ।
ਐਨ.ਸੀ.ਸੀ. ਦੇ ਇਕ ਸਮਾਗਮ ਮੌਕੇ ਉਨ੍ਹਾਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ, ‘‘ਇਹ ਬਿਲਕੁਲ ਇਕ ਨਿੱਜੀ ਮੁੱਦਾ ਹੈ ਅਤੇ ਮੈਂ ਇਸ ਮੁੱਦੇ ’ਤੇ ਕੋਈ ਵੀ ਜਨਤਕ ਟੀਕਾ-ਟਿੱਪਣੀ ਕਰਨ ਤੋਂ ਗੁਰੇਜ ਕਰਦਾ ਰਿਹਾ ਹਾਂ… ਜਦੋਂ ਕਿਸੇ ਵੀ ਸਮੇਂ ਕੋਈ ਮਤਭੇਦ ਹੀ ਨਹੀਂ ਸੀ ਤਾਂ ਫਿਰ ਹੁਣ ਕਿਵੇਂ ਹੋ ਸਕਦਾ ਹੈ।’’ ਉਂਜ, ਉਨ੍ਹਾਂ ਇਸ ਮਾਮਲੇ ’ਤੇ ਅਦਾਲਤ ’ਚ ਜਾਣ ਜਾਂ ਨਾ ਜਾਣ ਬਾਰੇ ਸਪਸ਼ਟ ਨਹੀਂ ਕੀਤਾ।
ਰੱਖਿਆ ਮੰਤਰਾਲਾ ਉਨ੍ਹਾਂ ਦੀ ਜਨਮ ਮਿਤੀ 10 ਮਈ, 1951 ਹੋਣ ਦਾ ਦਾਅਵਾ ਸਵੀਕਾਰਨ ਤੋਂ ਦੋ ਵਾਰ ਰੱਦ ਕਰ ਚੁੱਕਿਆ ਹੈ ਕਿਉਂਕਿ ਇਸ ਤਰ੍ਹਾਂ ਉਨ੍ਹਾਂ ਦੇ ਸੇਵਾਕਾਲ ਵਿਚ 10 ਮਹੀਨਿਆਂ ਦਾ ਵਾਧਾ ਹੋ ਸਕਦਾ ਸੀ।
|
Total Views: 17821 |
