|
ਗੁਰੂ ਗੋਬਿੰਦ ਸਿੰਘ ਦੇ ਪ੍ਰਕਾਸ਼ ਪੁਰਬ ਸਬੰਧੀ ਨਗਰ ਕੀਰਤਨ
Date: Jan 10, 2012
ਜੰਮੂ, 9 ਜਨਵਰੀ
ਸਿੰਬਲ ਕੈਂਪ ’ਚ ਸਜਾਏ ਗਏ ਨਗਰ ਕੀਰਤਨ ਦੀ ਅਗਵਾਈ ਕਰ ਰਹੇ ਪੰਜ ਪਿਆਰੇ (ਫੋਟੋ : ਸਰਬਜੀਤ ਸਿੰਘ)
ਸ੍ਰੀ ਗੁਰੂ ਗੋਬਿੰਦ ਸਿੰਘ ਦੇ ਪ੍ਰਕਾਸ਼ ਦਿਵਸ ਦੇ ਸਬੰਧ ’ਚ ਸਰਹੱਦੀ ਇਲਾਕੇ ਆਰ.ਐਸਪੁਰਾ ਦੇ ਪਿੰਡ ਸਿੰਬਲ ਕੈਂਪ ਵਾਰਡ ਨੰਬਰ ਪੰਜ ਤੋਂ ਸਵੇਰੇ ਨਗਰ ਕੀਰਤਨ ਸਜਾਇਆ ਗਿਆ ਜੋ ਦੇਰ ਸ਼ਾਮ ਗੁਰਦੁਆਰਾ ਸਿੰਘ ਸਭਾ ਇੰਦਰਾ ਨਗਰ ਪਹੁੰਚਿਆ। ਨਗਰ ਕੀਰਤਨ ਵਿੱਚ ਵੱਖ ਵੱਖ ਸਕੂਲਾਂ ਦੇ ਬੱਚਿਆਂ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਸਥਾਨਕ ਲੋਕ ਸ਼ਾਮਲ ਹੋਏ । ਇਸ ਮੌਕੇ ਸਾਰੀ ਤਿਆਰੀ ਸਿੱਖ ਨੌਜਵਾਨ ਸਭਾ ਸਿੰਬਲ ਕੈਂਪ ਵੱਲੋਂ ਕੀਤੀ ਗਈ। ਨਗਰ ਕੀਰਤਲ ਦੌਰਾਨ ਕੀਰਤਨੀ ਜੱਥੇ ਅਤੇ ਗੱਤਕਾ ਪਾਰਟੀਆਂ ਸ਼ਾਮਲ ਹੋਈਆਂ। ਤਰਨਤਾਰਨ (ਅੰਮ੍ਰਿਤਸਰ) ਤੋਂ ਆਈ ਬੀਰ ਖਾਲਸਾ ਦਲ ਦੀ ਗਤਕਾ ਪਾਰਟੀ ਨੇ ਇਸ ਮੌਕੇ ਗਤਕੇ ਦੇ ਕਰਤਬ ਦਿਖਾਏ। ਇਹ ਨਗਰ ਕੀਰਤਨ ਸਿੰਬਲ ਮੌੜ, ਟਾਹਲੀ ਮੌੜ, ਪਟੜੀ, ਮੀਰਾ ਸਾਹਿਬ, ਬ੍ਰਿਜ ਨਗਰ ਤੋਂ ਹੁੰਦਾ ਹੋਇਆ ਗੁਰਦੁਆਰਾ ਸਿੰਘ ਸਭਾ ਇੰਦਰਾ ਨਗਰ ਵਿਖੇ ਸਮਾਪਤ ਹੋਇਆ ਜਿੱਥੇ ਰਿਆਸਤ ਦੇ ਕੈਬਨਿਟ ਮੰਤਰੀ ਰਮਨ ਭੱਲਾ ਸਵਾਗਤ ਲਈ ਪਹੁੰਚੇ ਹੋਏ ਸਨ। ਇਸ ਮੌਕੇ ਪੁਲੀਸ ਨੇ ਸੁਰੱਖਿਆ ਵਿਵਸਥਾ ਦੇ ਪੁਖਤਾ ਇੰਤਜ਼ਾਮ ਕੀਤੇ ਹੋਏ ਸਨ।
|
Total Views: 17793 |
