|
ਮੋਬਾਈਲ ਫੋਨ ਰਾਹੀਂ ਬਿੱਲ ਭੁਗਤਾਣ ਵਧੀਆ ਢੰਗ : ਐਸੋਚੈਮ
Date: May 30, 2011
ਨਵੀਂ ਦਿੱਲੀ, 29 ਮਈ (ਯੂ. ਅੱੈਨ. ਆਈ.)-
ਦੇਸ਼ ਵਿਚ ਮੋਬਾਈਲ ਫੋਨ ਦੇ ਤੇਜ਼ੀ ਨਾਲ ਵਧਦੇ ਬਾਜ਼ਾਰ ਨੂੰ ਦੇਖ ਕੇ ਉਦਯੋਗ ਸੰਗਠਨ (ਐਸੋਚੈਮ) ਨੇ ਕਿਹਾ ਕਿ ਭੁਗਤਾਣ ਲਈ ਮੋਬਾਈਨ ਫੋਨ ਸਭ ਤੋਂ ਮਨਪਸੰਦ ਬਦਲ ਦੇ ਤੌਰ ‘ਤੇ ਉੱਭਰ ਸਕਦਾ ਹੈ। ਐਸੋਚੈਮ ਦੇ ਜਨਰਲ ਸਕੱਤਰ ਡੀ. ਐੱਸ. ਰਾਵਤ ਨੇ ਅੱਜ ਕਿਹਾ ਕਿ ਸਾਲ 2015 ਤੱਕ ਮੋਬਾਈਲ ਫੋਨ ਇਥੋਂ ਦੇ ਬਾਜ਼ਾਰ ਵਿਚ ਪੂਰੀ ਤਰ੍ਹਾਂ ਛਾ ਜਾਏਗਾ। ਅਜਿਹੀ ਹਾਲਤ ਵਿਚ ਲੋਕਾਂ ਦੀ ਰੁਚੀ ਅਤੇ ਸਹੂਲੀਅਤ ਦਾ ਧਿਆਨ ਰੱਖ ਕੇ ਮੋਬਾਈਲ ਫੋਨ ਨਾਲ ਬਿੱਲ ਭੁਗਤਾਣ ਕਰਨ ਦੀ ਸੇਵਾ ਸ਼ੁਰੂ ਕੀਤੀ ਜਾਣੀ ਚਾਹੀਦੀ ਹੈ। ਸੰਗਠਨ ਨੇ ਕਿਹਾ ਕਿ ਦੇਸ਼ ਦੇ ਮੱਧ ਵਰਗ ਦੀ ਆਬਾਦੀ 30 ਕਰੋੜ ਤੋਂ ਵੀ ਵੱਧ ਹੈ। ਮੱਧ ਵਰਗ ਦੀ ਆਮਦਨੀ ਵਿਚ ਹੋਏ ਵਾਧੇ ਕਾਰਨ ਖੁਦਰਾ ਬਾਜ਼ਾਰ ਵੀ ਲਗਾਤਾਰ ਵਧ ਰਿਹਾ ਹੈ। ਐਸੋਚੈਮ ਨੇ ਦੱਸਿਆ ਕਿ ਖੁਦਰਾ ਬਾਜ਼ਾਰ ਦਾ 67 ਫੀਸਦੀ ਬਿੱਲ ਭੁਗਤਾਣ ਨਕਦ ਕੀਤਾ ਜਾਂਦਾ ਹੈ ਅਤੇ ਬਾਕੀ ਭੁਗਤਾਣ ਦੇ ਹੋਰ ਢੰਗ, ਜਿਸ ਤਰ੍ਹਾਂ ਕ੍ਰੈਡਿਟ ਕਾਰਡ, ਡੈਬਿਟ ਕਾਰਡ ਅਤੇ ਮਲਟੀਪਲ ਮੋਬਾਈਲ ਪੇਮੈਂਟ ਤੱਕ ਬਹੁਤ ਘੱਟ ਲੋਕਾਂ ਦੀ ਪਹੁੰਚ ਹੈ। ਉਨ੍ਹਾਂ ਕਿਹਾ ਕਿ ਇਕ ਅਜਿਹੇ ਦੇਸ਼ ਵਿਚ ਜਿਥੇ ਜ਼ਿਆਦਾਤਰ ਲੋਕਾਂ ਦੇ ਨਾਂ ‘ਤੇ ਬੈਂਕ ਖਾਤਾ ਨਹੀਂ ਹੈ ਪਰ ਮੋਬਾਈਲ ਫੋਨ ਹੈ, ਉਥੇ ਮੋਬਾਈਲ ਫੋਨ ਰਾਹੀਂ ਬਿੱਲ ਦਾ ਭੁਗਤਾਣ ਕਰਨਾ ਸਭ ਤੋਂ ਵਧੀਆ ਢੰਗ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੀਆਂ ਕੰਪਨੀਆਂ ਇਸ ਗੱਲ ਨੂੰ ਸਮਝ ਕੇ ਮੌਕੇ ਦਾ ਫਾਇਦਾ ਉਠਾਉਣਗੀਆਂ, ਉਹ ਇਸ ਦੌੜ ਵਿਚ ਅੱਗੇ ਰਹਿਣਗੀਆਂ।
|
Total Views: 17767 |
