|
ਮੇਰੇ ਕੋਲ ਖੁਦ ਨੂੰ ਸਾਬਿਤ ਕਰਨ ਦਾ ਮੌਕਾ
Date: May 28, 2011
ਦੁਬਈ, 27 ਮਈ (ਪ,ਪ)-
ਵੈਸਟਇੰਡੀਜ਼ ਦੌਰੇ ਲਈ ਕੌਮੀ ਟੀਮ ‘ਚ ਵਾਪਸੀ ਕਰਨ ਵਾਲਾ ਵਿਕਟਕੀਪਰ ਬੱਲੇਬਾਜ਼ ਪਾਰਥਿਵ ਪਟੇਲ ਟੀਮ ‘ਚ ਆਪਣੀ ਜਗ੍ਹਾ ਪੱਕੀ ਕਰਨ ਲਈ ਇਸ ਮੌਕੇ ਦਾ ਪੂਰਾ ਫਾਇਦਾ ਉਠਾਉਣਾ ਚਾਹੁੰਦਾ ਹੈ। ਪਾਰਥਿਵ ਨੇ ਕਿਹਾ ਕਿ ਹੁਣ ਮੇਰੇ ਕੋਲ ਖੁਦ ਨੂੰ ਸਾਬਿਤ ਕਰਨ ਦਾ ਮੌਕਾ ਹੈ। ਮਹਿੰਦਰ ਸਿੰਘ ਧੋਨੀ ਨੇ ਜੋ ਕੁਝ ਹਾਸਲ ਕੀਤਾ ਹੈ, ਉਹ ਉਸਦਾ ਹੱਕਦਾਰ ਸੀ। ਉਹ ਭਾਰਤ ਦੇ ਸਭ ਤੋਂ ਵਧੀਆ ਕਪਤਾਨਾਂ ‘ਚੋਂ ਇਕ ਹੈ। ਇਸ ਵਿਕਟਕੀਪਰ ਨੇ ਮੰਨਿਆ ਕਿ ਉਹ ਵੈਸਟਇੰਡੀਜ਼ ਦੌਰੇ ਤੋਂ ਬਾਅਦ ਆਪਣੇ ਅਗਲੇ ਪ੍ਰੋਗਰਾਮ ਬਾਰੇ ਨਹੀਂ ਸੋਚ ਰਿਹਾ ਪਰ ਉਸਨੇ ਸਾਫ ਕੀਤਾ ਕਿ 2002 ‘ਚ ਟੈਸਟ ਕ੍ਰਿਕਟ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ ਉਸਨੇ ਕਾਫੀ ਅਨੁਭਵ ਹਾਸਲ ਕੀਤਾ। ਉਸ ਨੇ ਆਈ. ਸੀ. ਸੀ. ਕ੍ਰਿਕਟ ਵਰਲਡ ਰੇਡੀਓ ਸ਼ੋਅ ‘ਚ ਕਿਹਾ ਕਿ ਜਦੋਂ ਮੈਂ ਪਹਿਲੀ ਵਾਰ ਟੀਮ ‘ਚ ਆਇਆ ਸੀ ਤਾਂ ਕਾਫੀ ਯੁਵਾ ਸੀ ਪਰ ਹੁਣ ਮੈਂ ਘਰੇਲੂ ਕ੍ਰਿਕਟ ‘ਚ ਲਗਾਤਾਰ ਚੰਗਾ ਸਕੋਰ ਬਣਾਉਣ ਕਾਰਨ ਆਤਮਵਿਸ਼ਵਾਸ ਨਾਲ ਭਰਿਆ ਹਾਂ।
|
Total Views: 17736 |
