|
ਬਹੁਤ ਗੁੱਸਾ ਆਉਂਦਾ ਹੈ?
Date: May 23, 2011
ਜੇ ਤੁਹਾਨੂੰ ਬਹੁਤ ਗੁੱਸਾ ਆਉਂਦਾ ਹੈ ਤਾਂ ਇਸ ਤੋਂ ਬਚਣ ਲਈ ਹੇਠ ਲਿਖੀਆਂ ਗੱਲਾਂ ਵਲ ਧਿਆਨ ਦਿਓ :
* ਕਮਜ਼ੋਰ ਵਿਅਕਤੀ ਨੂੰ ਗੁੱਸਾ ਜ਼ਿਆਦਾ ਆਉਂਦਾ ਹੈ। ਇਸ ਲਈ ਸਭ ਤੋਂ ਪਹਿਲਾਂ ਆਪਣੀ ਸਰੀਰਕ ਸਮਰੱਥਾ ਵਧਾਓ।
* ਸਰੀਰ ਨੂੰ ਸਿਹਤਮੰਦ ਰੱਖਣ ਲਈ ਪਾਚਣ ਤੇ ਸਾਹ ਕਿਰਿਆ ਠੀਕ ਰਹਿਣੀ ਜ਼ਰੂਰੀ ਹੈ। ਇਸ ਲਈ ਇਨ੍ਹਾਂ ਕਿਰਿਆਵਾਂ ਵਿਚ ਸੁਧਾਰ ਲਿਆਓ।
* ਗੁੱਸਾ ਜਿੰਨਾ ਸਰੀਰਕ ਕਾਰਨਾਂ ਕਰਕੇ ਆਉਂਦਾ ਹੈ, ਓਨਾ ਹੀ ਦਿਮਾਗੀ ਕਾਰਨਾਂ ਕਰਕੇ ਵੀ। ਉਲਟ ਸਥਿਤੀ ਆਉਂਦਿਆਂ ਹੀ ਮਨੁੱਖ ਦਾ ਮਨ ਉਤੇਜਿਤ ਹੋ ਜਾਂਦਾ ਹੈ। ਇਸ ਲਈ ਮਨ ਨੂੰ ਸ਼ਾਂਤ ਰੱਖੋ। ਇਸਦੇ ਲਈ ਪ੍ਰਾਣਾਯਾਮ ਸਭ ਤੋਂ ਵਧੀਆ ਤਰੀਕਾ ਹੈ।
* ਜਿਵੇਂ ਸਰੀਰ ਦੀ ਸ਼ੁੱਧੀ ਲਈ ਰੋਜ਼ਾਨਾ ਇਸਦੀ ਸਫਾਈ ਕੀਤੀ ਜਾਂਦੀ ਹੈ, ਉਸੇ ਤਰ੍ਹਾਂ ਮਨ ਦੀ ਸ਼ੁੱਧੀ ਲਈ ਚੰਗੀਆਂ ਕਿਤਾਬਾਂ ਪੜ੍ਹੋ ਤਾਂਕਿ ਮਨ ਦੀ ਮੈਲ ਦੂਰ ਹੁੰਦੀ ਰਹੇ। ਦਿਮਾਗੀ ਮੈਲ ਦੀਆਂ ਪਰਤਾਂ ਨੂੰ ਜੰਮਣ ਨਾ ਦਿਓ।
* ਮੁਆਫੀ ਤੇ ਦਇਆ ਦੀ ਭਾਵਨਾ ਵਿਕਸਿਤ ਕਰੋ।
* ਆਪਣੇ ਅੱਜ ਵਿਚ ਜਿਊਣ ਦੀ ਆਦਤ ਪਾਓ। ਭੂਤਕਾਲ ਨਾਲ ਜੁੜ ਕੇ ਜਾਂ ਭਵਿੱਖ ਦੀ ਚਿੰਤਾ ਵਿਚ ਸੁਨਹਿਰੇ ਅੱਜ ਨੂੰ ਨਾ ਵਿਗਾੜੋ।
* ਹਰ ਗੱਲ, ਘਟਨਾ ਤੇ ਸਥਿਤੀ ਦੇ ਦੋ ਪਹਿਲੂ ਹੁੰਦੇ ਹਨ। ਸਿਰਫ ਆਪਣੇ ਪਹਿਲੂ ਨੂੰ ਹੀ ਅਹਿਮੀਅਤ ਨਾ ਦਿਓ, ਸਿੱਕੇ ਦੇ ਦੂਜੇ ਪਹਿਲੂ ਨੂੰ ਵੀ ਦੇਖੋ। ਉਸ ਜਗ੍ਹਾ ਵੀ ਖੁਦ ਨੂੰ ਰੱਖ ਕੇ ਦੇਖੋ।
* ਨਜ਼ਰੀਆ ਬਦਲਿਆ ਜਾਵੇ ਤਾਂ ਨਜ਼ਾਰੇ ਬਦਲ ਜਾਂਦੇ ਹਨ। ਕਿਸੇ ਵੀ ਗੱਲ ਨੂੰ ਵੱਖ-ਵੱਖ ਨਜ਼ਰੀਏ ਨਾਲ ਦੇਖੋ।
* ਬੋਲੋ ਘੱਟ, ਸੁਣੋ ਜ਼ਿਆਦਾ। ਕਈ ਵਾਰ ਵਿਅਕਤੀ ਸਾਹਮਣੇ ਵਾਲੇ ਦੀ ਪੂਰੀ ਗੱਲ ਸੁਣੇ ਬਿਨਾਂ ਹੀ ਗੁੱਸਾ ਕਰਨਾ ਸ਼ੁਰੂ ਕਰ ਦਿੰਦਾ ਹੈ ਪਰ ਬਾਅਦ ਵਿਚ ਦੂਜੇ ਦੀ ਗੱਲ ਸੁਣਨ ਤੋਂ ਬਾਅਦ ਘਟਨਾ ਜਾਂ ਗੱਲ ਬਹੁਤ ਛੋਟੀ ਨਜ਼ਰ ਆਉਂਦੀ ਹੈ। ਇਸ ਲਈ ਦੂਜੇ ਨੂੰ ਬੋਲਣ ਦਾ ਮੌਕਾ ਦੇ ਕੇ ਵਿਸ਼ਲੇਸ਼ਣ ਕਰੋ।
* ਜਦੋਂ ਵੀ ਗੁੱਸਾ ਆਵੇ ਤਾਂ 100 ਤਕ ਗਿਣੋ ਅਤੇ ਠੰਡਾ ਪਾਣੀ ਪੀਓ। ਗੁੱਸੇ ਵੇਲੇ ਠੰਡੇ ਪਾਣੀ ਨਾਲ ਮੂੰਹ ਧੋਵੋ ਜਾਂ ਨਹਾਓ।
|
Total Views: 17703 |
