|
ਸਲਮਾਨ ਬਣਿਆ ‘ਚਿੱਲਰ ਪਾਰਟੀ’ ਦਾ ਕੋ-ਪ੍ਰੋਡਿਊਸਰ
Date: May 23, 2011
ਮੁੰਬਈ, 22 ਮਈ (ਏਜੰਸੀਆਂ)¸
ਬਾਲੀਵੁੱਡ ‘ਚ ਆਪਣੀ ਧਾਕ ਜਮਾ ਚੁੱਕਾ ਸਲਮਾਨ ਖ਼ਾਨ ਹੁਣ ਪ੍ਰੋਡਕਸ਼ਨ ਦੇ ਖੇਤਰ ‘ਚ ਵੀ ਕਿਸਮਤ ਅਜ਼ਮਾ ਰਿਹਾ ਹੈ। ਸਲਮਾਨ ਫ਼ਿਲਮ ‘ਚਿੱਲਰ ਪਾਰਟੀ’ ਵਿਚ ਬਤੌਰ ਕੋ-ਪ੍ਰੋਡਿਊਸਰ ਆਪਣਾ ਹੱਥ ਅਜ਼ਮਾ ਰਿਹਾ ਹੈ। ਇਹ ਬੱਚਿਆਂ ਦੀ ਫ਼ਿਲਮ ਹੈ, ਜਿਸਦੀ ਰਿਲੀਜ਼ ‘ਚ ਸਲਮਾਨ ਵੱਧ-ਚੜ੍ਹ ਕੇ ਹਿੱਸਾ ਲੈ ਰਿਹਾ ਹੈ। ਸਲਮਾਨ ਫ਼ਿਲਮ ਦੇ ਪ੍ਰਾਜੈਕਟ ‘ਚ ਸ਼ਾਮਲ ਹੋ ਕੇ ਬਹੁਤ ਖੁਸ਼ ਹੈ ਕਿਉਂਕਿ ਜਦੋਂ ਸਲਮਾਨ ਨੇ ਫ਼ਿਲਮ ਦੇਖੀ ਤਾਂ ਉਸਨੂੰ ਇਹ ਕਾਫੀ ਪਸੰਦ ਆਈ ਸੀ। ਸਲਮਾਨ ਸਭ ਤੋਂ ਜ਼ਿਆਦਾ ਫ਼ਿਲਮ ਦੀ ਮਾਰਕੀਟਿੰਗ ਅਤੇ ਰਿਲੀਜ਼ ‘ਚ ਦਿਲਚਸਪੀ ਲੈ ਰਿਹਾ ਹੈ। ਇਸ ਫ਼ਿਲਮ ‘ਚ ਬੱਚਿਆਂ ਲਈ ਕਾਮੇਡੀ ਦਾ ਭਰਪੂਰ ਤੜਕਾ ਹੈ। ਫ਼ਿਲਮ ਚਿੱਲਰ ਪਾਰਟੀ ਦੇ ਇਕ ਗਾਣੇ ‘ਚ ਰਣਬੀਰ ਕਪੂਰ ਨੇ ਆਈਟਮ ਸੌਂਗ ਵੀ ਕੀਤਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਕਿਸੇ ਅਭਿਨੇਤਾ ਨੇ ਇਕ ਆਈਟਮ ਸੌਂਗ ਕੀਤਾ ਹੈ। ਫ਼ਿਲਮ ਦੇ ਨਿਰਦੇਸ਼ਨ ਨੀਤੇਸ਼ ਤਿਵਾਰੀ ਤੇ ਵਿਕਾਸ ਬਹਿਲ ਦਾ ਕਹਿਣਾ ਹੈ ਕਿ ਫ਼ਿਲਮ ‘ਚ ਸਲਮਾਨ ਦਾ ਸਾਥ ਹੋਣਾ ਸਾਡੇ ਲਈ ਬਹੁਤ ਹੀ ਖੁਸ਼ੀ ਵਾਲੀ ਗੱਲ ਹੈ।
|
Total Views: 17698 |
