|
ਸਲਮਾਨ ਨੇ ਸ਼ਾਹਰੁਖ ਦੀ ਕੀਤੀ ਨਕਲ
Date: May 20, 2011
ਮੁੰਬਈ, 19 ਮਈ (ਏਜੰਸੀ)-
ਸਲਮਾਨ ਖਾਨ ਅਤੇ ਸ਼ਾਹਰੁਖ ਖਾਨ ਨਾ ਤਾਂ ਬੈਸਟ ਫਰੈਂਡ ਹਨ ਅਤੇ ਨਾ ਹੀ ਉਨ੍ਹਾਂ ਵਿਚਾਲੇ ਕਿਸੇ ਤਰ੍ਹਾਂ ਦੀ ਕੋਈ ਗੱਲਬਾਤ ਹੈ। ਇਹੋ ਨਹੀਂ, ਕੈਟਰੀਨਾ ਕੈਫ ਦੇ 24ਵੇਂ ਜਨਮਦਿਨ ਦੌਰਾਨ ਹੋਈ ਲੜਾਈ ਤੋਂ ਬਾਅਦ ਤਾਂ ਕਰਨ ਜੌਹਰ ਅਤੇ ਅਰਜੁਨ ਰਾਮਪਾਲ ਨੇ ਵੀ ਉਨ੍ਹਾਂ ਤੋਂ ਦੂਰ ਬਣਾ ਲਈ ਹੈ। ਇਸ ਤੋਂ ਬਾਅਦ ਵੀ ਸੱਲੂ ਨੇ ਸ਼ਾਹਰੁਖ ਦੀ ਫਿਲਮ ‘ਦਿਲਵਾਲੇ ਦੁਲਹਨੀਆ ਲੈ ਜਾਏਂਗੇ’ ਕੁਝ ਸੀਨਸ ਕਾਪੀ ਕੀਤੇ ਹਨ। ਉਸਨੇ ਇਹ ਸੀਨ ਆਪਣੀ ਹੋਮ ਪ੍ਰੋਡਕਸ਼ਨ ਫਿਲਮ ‘ਬਾਡੀਗਾਰਡ’ ਵਿਚ ਸ਼ੂਟ ਕੀਤੇ ਹਨ। ਜ਼ਿਕਰਯੋਗ ਹੈ ਕਿ ਫਿਲਮ ਦੀ ਸ਼ੂਟਿੰਗ ਮੁੰਬਈ ਸੈਂਟਰਲ ਸਟੇਸ਼ਨ ਦੇ ਪਲੇਟਫਾਰਮ ‘ਤੇ ਹੋਈ ਹੈ। ਫਿਲਮ ‘ਡੀ.ਡੀ.ਐੱਲ’ ਵਿਚ ਸ਼ਾਹਰੁਖ ਅਤੇ ਕਾਜੋਲ ‘ਤੇ ਟਰੇਨ ਦਾ ਸੀਨ ਦੋ ਵਾਰ ਸ਼ੂਟ ਕੀਤਾ ਗਿਆ ਸੀ। ਬਤੌਰ ਡਾਇਰੈਕਟਰ ਆਦਿਤਿਆ ਚੋਪੜਾ ਦੀ ਇਹ ਫਿਲਮ ਸੀ। ਹੁਣ ਅਜਿਹਾ ਹੀ ਸੀਨ ਸੱਲੂ ਨੇ ਫਿਲਮ ‘ਬਾਡੀਗਾਰਡ’ ਵਿਚ ਸ਼ੂਟ ਕੀਤਾ ਹੈ। ਸ਼ੂਟ ਸਮੇਂ ਸੁਰੱਖਿਆ ਦੇ ਸਖ਼ਤ ਪ੍ਰਬੰਧ ਕੀਤੇ ਗਏ ਸਨ। ਜੇਕਰ ਤੁਸੀਂ ਦੇਖੋ ਤਾਂ ‘ਡੀ.ਡੀ.ਐੱਲ.’ ਅਤੇ ‘ਬਾਡੀਗਾਰਡ’ ਦੇ ਇਹ ਸੀਨ ਬਿਲਕੁਲ ਇੱਕੋ ਜਿਹੇ ਹੋਣਗੇ। ਇਸ ਬਾਰੇ ਪੁੱਛੇ ਜਾਣ ‘ਤੇ ਨਿਰਮਾਤਾ ਅਗਨੀਹੋਤਰੀ ਨੇ ਕਿਹਾ ਕਿ ਉਸਦੀ ਫਿਲਮ ਦੇ ਇਹ ਸੀਨ ‘ਡੀ.ਡੀ.ਐੱਲ.’ ਤੋਂ ਪ੍ਰ੍ਰੇਰਿਤ ਨਹੀਂ ਹਨ।
|
Total Views: 17678 |
