ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਚੰਡੀਗੜ੍ਹ ਦੇ ਵਿਦਿਆਰਥੀਆਂ ਨੂੰ ਡਿਗਰੀਆਂ ਵੰਡੀਆ

ਚੰਡੀਗੜ੍ਹ(ਅਬਰਾਵਾਂ) :ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਚੰਡੀਗੜ੍ਹ ਦੇ ਭਾਸ਼ਕਰ ਤੇ ਵਿਸਾਰਦ ਪਾਸ ਵਿਦਿਆਰਥੀਆਂ ਨੂੰ ਇਥੋਂ ਦੇ ਪੰਜਾਬ ਕਲਾ ਭਵਨ ਵਿਖੇ ਪ੍ਰਾਚੀਨ ਕਲਾ ਕੇਂਦਰ ਨੇ ਕਨਵੋਕੇਸ਼ਨ ਕਰ ਕੇ ਡਿਪਲੋਮਾ ਤੇ ਡਿਗਰੀਆਂ ਵੰਡੀਆਂ। ਇਸ ਮੌਕੇ ਚੰਡੀਗੜ੍ਹ ਨਗਰ ਨਿਗਮ ਦੀ ਮੇਅਰ ਬੀਬੀ ਅਨੂ ਚਤਰਥ ਨੇ ਡਿਪਲੋਮੇ ਵੰਡੇ ਅਤੇ ਕੁੰਜੀਵਤ ਭਾਸ਼ਨ ਸੰਗੀਤ ਸ਼ਾਸ਼ਕ ਹਰਦੇਵ ਨੇ ਦਿਤਾ। ਅਨੁਚਤਰਥ ਨੇ ਦਸਿਆ ਕਿ ਪ੍ਰਾਚੀਨ ਕਲਾ ਕੇਂਦਰ 2.45 ਲੱਖ ਵਿਦਿਆਰਥੀਆਂ ਨੂੰ ਵਿਦਿਆ ਤੇ ਸਿਖਲਾਈ ਦੇ ਰਿਹਾ ਹੈ। ਸ਼ੋਭ ਕੋਂਸਰ ਨੇ ਦਸਿਆ ਕਿ ਇਹ ਮਦਨ ਲਾਲ ਕੋਂਸਰ ਦੀ ਸੋਚ ਨੂੰ ਅੱਗੇ ਵਧਾਇਆ ਜਾ ਰਿਹਾ ਹੈ। ਦੂਜੇ ਪੜਾਅ ਵਿਚ ਗੀਤਾ ਦੱਤ ਦੇ ਗੀਤ ਸੰਗੀਤ ਨਾਲ ਆਰੰਭ ਹੋਇਆ ਜਿਸ ਵਿਚ ਉਸ ਨੇ ਰਾਗ ਅਭਿਰੰਭਵ ਪੇਸ਼ ਕੀਤਾ ਅਤੇ ਵਿ¦ਬਤ ਅਤੇ ਦਰੁਤ ਖ਼ਿਆਲ ਨਾਲ ਸਰੋਤਿਆਂ ਨੂੰ ਕੀਲ ਕੇ ਰੱਖ ਲਿਆ। ਇਸ ਮੌਕੇ ਹਰਮੋਨੀਅਮ ’ਤੇ ਮੋਹਨਦੀਪ ਭਾਵਰਾ ਅਤੇ ਤਬਲੇ ’ਤੇ ਜਗਦੀਪ ਕਿਰਨ ਭਾਵਰਾ ਨਿਭੇ। ਇਸ ਦੇ ਨਾਲ ਹੀ ਤਬਲੇ ਦੀ ਜੁਗਲਬੰਦੀ ਦੋਵੇਂ ਭਰਾਵਾਂ ਅਮਰੇਸ਼ ਭੱਟ ਅਤੇ ਮਧੂਰੇਸ਼ ਭੱਟ ਨੇ ਕਰ ਵਿਖਾਈ ਅਤੇ ਇਕ ਸਿਖਿਆਰਥੀ ਭੈਰਵੀ ਨੇ ਸਿਤਾਰ ਵਾਦਨ ਕਰ ਵਿਖਾਇਆ। ਆਖ਼ਰ ਵਿਚ ਕੱਥਕ ਨ੍ਰਿਤ ਪੂਨਮ ਸ਼ਰਮਾ ਨੇ ਕੀਤਾ ਜਿਸ ਵਿਚ ਅਰੰਭ ਵਿਸ਼ਨੂੰ ਸਤੂਤੀ ਤੋਂ ਕੀਤਾ ਅਤੇ ਬਾਅਦ ਵਿਚ ਤਰਾਨਾ ਅਤੇ ਠੁਮਰੀ ਦਾ ਰੰਗ ਵੀ ਵਿਖਾਇਆ।