|
ਞ'ਸਿੱਖਿਆ ਮੌਲਿਕ ਅਧਿਕਾਰ ਬਿੱਲ‘ ਦੇਸ਼ ਦੀ ਤਰੱਕੀ ਲਈ ਵਰਦਾਨ ਹੋਵੇਗਾ : ਰਾਣਾ ਕੇ ਪੀ ਸਿੰਘ
Date: Apr 05, 2010
ਨੰਗਲ/ਸਤਨਾਮ ਸਿੰਘ :
ਹਲਕਾ ਨੰਗਲ ਦੇ ਵਿਧਾਇਕ ਰਾਣਾ ਕੰਵਰਪਾਲ ਸਿੰਘ ਨੇ ਕਿਹਾ ਕਿ ਕੇਂਦਰ ਸਰਕਾਰ ਵੱਲੋਂ ਪਿਛਲੇ ਦਿਨੀਂ ਪਾਸ ਕੀਤਾ ਗਿਆ ਞ'ਸਿੱਖਿਆ ਮੌਲਿਕ ਅਧਿਕਾਰ ਬਿੱਲ‘ ਭਾਰਤ ਦੀ ਤਰੱਕੀ ਲਈ ਵਰਦਾਨ ਸਾਬਤ ਹੋਏਗਾ, ਕਿਉਂਕਿ ਕਿਸੇ ਵੀ ਦੇਸ਼ ਦੀ ਤਰੱਕੀ ਉਥਂੋ ਦੇ ਵਿੱਦਿਅਕ ਢਾਂਚੇ ‘ਤੇ ਨਿਰਭਰ ਕਰਦੀ ਹੈ।
ਉਨ੍ਹਾਂ ਕਿਹਾ ਕਿ ਇਸ ਕਾਨੂੰਨ ਬਣਨ ਨਾਲ ਹੁਣ 1 ਕਰੋੜ ਗਰੀਬ ਬੱਚਿਆਂ ਨੂੰ ਵੀ ਵਿੱਦਿਆ ਮਿਲ ਸਕੇਗੀ ਅਤੇ ਇਹ ਕਾਨੂੰਨ ਪਾਸ ਕਰਨ ਲਈ ਪ੍ਰਧਾਨ ਮੰਤਰੀ ਡਾ. ਮਨਮੋਹਣ ਸਿੰਘ ਅਤੇ ਯੂ ਪੀ ਏ ਦੀ ਚੇਅਰਪਰਸਨ ਸੋਨੀਆ ਗਾਂਧੀ ਦੇ ਸਿਰ ਸਿਹਰਾ ਜਾਂਦਾ ਹੈ ਅਤੇ ਇਹ ਦੋਵੇਂ ਦੂਰਅੰਦੇਸ਼ੀ ਆਗੂ ਵਧਾਈ ਦੇ ਪਾਤਰ ਹਨ। ਉਨ੍ਹਾਂ ਪੱਤਰਕਾਰਾਂ ਦੇ ਸੁਆਲਾਂ ਦੇ ਜੁਆਬ ਦਿੰਦਿਆਂ ਕਿਹਾ ਕਿ ਗਰੀਬਾਂ ਦੀ ਭਲਾਈ ਲਈ ਕੇਂਦਰ ਵੱਲੋਂ ਸ਼ੁਰੂ ਕੀਤੀ ਗਈ ਨਰੇਗਾ ਸਕੀਮ ਵੀ ਮੌਜੂਦਾ ਅਕਾਲੀ-ਭਾਜਪਾ ਸਰਕਾਰ ਵੱਲੋਂ ਸਹੀ ਢੰਗ ਨਾਲ ਨਹੀਂ ਸ਼ੁਰੂ ਕੀਤੀ ਜਾ ਰਹੀ, ਜਿਸ ਕਾਰਨ ਗਰੀਬ ਲੋਕ ਇਸ ਦਾ ਲਾਭ ਲੈਣ ਤੋਂ ਵਾਂਝੇ ਰਹਿੰਦੇ ਹਨ। ਉਨ੍ਹਾਂ ਕਿਹਾ ਕਿ ਜਦੋਂ ਤੱਕ ਜਨਤਕ ਵੰਡ ਪ੍ਰਣਾਲੀ ਸਿਸਟਮ ਠੀਕ ਨਹੀਂ ਹੁੰਦਾ ਉਦਂੋ ਤੱਕ ਮਹਿੰਗਾਈ ਤੇ ਭ੍ਰਿਸ਼ਟਾਚਾਰ ਨਹੀਂ ਰੁਕ ਸਕਦਾ। ਰਾਣਾ ਨੇ ਬੁਲੰਦ ਆਵਾਜ਼ ਵਿਚ ਕਿਹਾ ਕਿ ਬੀ ਬੀ ਐਮ ਬੀ ਪ੍ਰਬੰਧਾਂ ਹੇਠ ਹਲਕੇ ਵਿਚ ਚੱਲਦੇ ਡੀ ਏ ਵੀ ਸਕੂਲਾਂ ਦੀਆਂ ਬੇਤਹਾਸ਼ਾ ਵਧਾਈਆਂ ਗਈਆ ਫੀਸਾਂ ਨੂੰ ਹਰ ਹੀਲੇ ਘਟਾਇਆ ਜਾਵੇਗਾ, ਜਿਸ ਲਈ ਆਉਂਦੇ ਇਕ ਦੋ ਦਿਨਾਂ ਵਿਚ ਉਹ ਬੋਰਡ ਦੇ ਚੇਅਰਮੈਨ ਨਾਲ ਅਤੇ ਕੇਂਦਰੀ ਊਰਜਾ ਮੰਤਰੀ ਸੁਸ਼ੀਲ ਕੁਮਾਰ ਸ਼ਿੰਦੇ ਨਾਲ ਗੱਲਬਾਤ ਕਰਕੇ ਨੰਗਲ ਦੀ ਜਨਤਾ ਨਾਲ ਹੋ ਰਹੇ ਫੀਸਾਂ ਦੇ ਧੱਕੇ ਤੋਂ ਨਿਜ਼ਾਤ ਦਿਵਾਈ ਜਾਵੇਗੀ।
ਰਾਣਾ ਨੇ ਦਾਅਵਾ ਕੀਤਾ ਕਿ ਵਿੱਦਿਆ ਦੇ ਹੋ ਰਹੇ ਵਪਾਰੀਕਰਨ ਖਿਲਾਫ਼ ਲੋਕਾਂ ਨੂੰ ਵੀ ਲਾਮਬੰਦ ਹੋਣਾ ਪਵੇਗਾ ਨਹੀਂ ਤਾਂ ਗਰੀਬਾਂ ਦੇ ਵਸ ਤੋਂ ਵਿੱਦਿਆ ਬਾਹਰ ਹੋ ਜਾਵੇਗੀ। ਰਾਣਾ ਨੇ ਕਿਹਾ ਕਿ ਕਾਂਗਰਸ ਸਰਕਾਰ ਆਉਣ ‘ਤੇ ਨੰਗਲ ਵਿਚ ਲੜਕੀਆਂ ਦਾ ਕਾਲਜ ਅਤੇ ਵਧੀਆ ਸਕੂਲ ਖੋਲਿਆ ਜਾਵੇਗਾ ਜਿੱਥੇ ਸਸਤੀ ਸਿੱਖਿਆ ਮਿਲ ਸਕੇ। ਇਸ ਮੌਕੇ ਉਨ੍ਹਾਂ ਨਾਲ ਬਲਾਕ ਕਾਂਗਰਸ ਕਮੇਟੀ ਦੀ ਪ੍ਰਧਾਨ ਸੰਜੇ ਸਾਹਨੀ ਨਗਰ ਕੌਂਸਲ ਦੇ ਮੀਤ ਪ੍ਰਧਾਨ ਸੁਰਿੰਦਰ ਪੰਮਾ, ਹਰਪਾਲ ਭਸੀਨ, ਐਡਵੋਕੇਟ ਪਰਮਜੀਤ ਸਿੰਘ, ਅਸ਼ੋਕ ਸੈਣੀ, ਦਵਿੰਦਰ ਰਾਣਾ, ਰਣਵੀਰ ਸੈਣੀ, ਰਜਿੰਦਰ ਸ਼ਰਮਾ ਤੇ ਸੁਰਿੰਦਰ ਛਾਬੜਾ ਆਦਿ ਆਗੂ ਹਾਜ਼ਰ ਸਨ।
|
Total Views: 17655 |
